Stjörnuspá dagsins hljómar svona...

Vatnsberi: Þú ert tilbúinn til að mæta áskoruninni, sérstaklega ef hún er stærri en þú. Sumum finnst þú klikkaður, en þú ert í raun sá sem er heill á geðsmunum

 Áskorun dagsins er þá vonandi bara prófið sem ég er að fara í á eftir.  Ég er búin að lesa og lesa en finnst það ekkert festast inn á harðadiskinum.

 Annars er margt framundan, vinna og skóli, ritgerðarsmíðar og svo þarf ég að skreppa í borginna í visindaferð í 2 daga í næstu viku, kem líklega í borginna á þriðjudegi og fer aftur líklega á föstudegi eða laugardegi fer eftir veðri og vindum, værigaman að hitta sem flesta en að fenginni reynslu veit ég að maður á nú ekki eftir að komast yfir það frekar en fyrri daginn en ekki hika samt við að hafa samband.

Jæja best að halda áfram að læra.

Bestu kveðjur Lulla

Afmæli!

Jabbs maður er víst komin á fertugsaldurinn  Það leggst bara vel í mig, finn svo sem ekki miklar breytingar fyrir utan það nátturlega hvað ég stækkaði mikið í nótt haha er ekki annars alltaf sagt að maður stækki þegar maður á afmæli?????

smá forskot í gær og fékk gesti í heimsókn.

Annars átti ég góðan afmælisdag, dagurinn byrjaði snemma, dóttir mín vakti mig, mamma það er sko komin dagur og þú átt sko afmæli og svo kom risa knús.  Svo þaut hún framm og sagði bíddu leyndarmálið og kom með þennan sæta perlu dúk sem hún hafði gert handa mér.

Fór svo í vinnuna og svo komu gestir eftir vinnu og svo skelltum við okkur nokkrar saman í bíó og sáum Brúðguman sem er bara hið fínasta mynd, húmor bíóferðarinnar var poppþétt sá að ein okkar hafði ekki pælt í hvaða mynd þetta var og hélt að þetta væri amerísk mynd en það kom nú smá "amerískt" í henni sko innfluttu kaggarnir haha.

En takk fyrir hamingjuóskirnar í allar í öll formum, hvort sem ég hitti ykkur, fékk comment hér, sms eða símtal.

Besti kveðjur Lulla

Á næturvakt!

Ákvað að hvíla skólabækurnar aðeins og blogga bara smá eða haldiði að skólabækur geti ekki orðið voða þreyttar að láta lesa sig mikið haha!  Tók reyndar pása frá þeim og var að horfa á myndina No Reservations sem er fínasta afþreying voða sæt mynd.

Annars er bara mjög róleg næturvakt hjá mér, allir dollarnir mínir sofa vært en þreyttir eftir gott þorrablót en við héldum þorrablót hérna í vinnunni áðan (fimmtudagskvöld) það var bara fínasta blót og allir ánægðir og sáttir.  Alli Ísfjörð þannti nikunna og svo komu kór eldri borgara og sungu og Álftagerðisbræður sungu líka.  Full mæting var á blótið hjá vistmönnum og nánast full mæting hjá starfsfólki.  Kristín Björg var voða glöð að mega koma með mér í vinnunna í veislu með gamla fólkinu eins og hún orðaði það og raðaði í sig hangikjöti,brauði og hákarli.  Annars er bara vinna og lærdómur framundan þessa helgina og svo tilkynnti dóttir mín mér í dag að hún ætlaði sko að baka handa mér afmælisköku fyrir mánudaginn.  Svo sagði hún mér líka að hún  væri að gera svona leyndarmál handa mér líka eins og Húni  en það er úr bók sem er í miklu uppáhaldi hjá henni og heitir leyndarmál Húna litla en tilkynnti mér jafnframt að hún mætti ekki segja það ég yrði bara að bíða þangað til afmælið kæmi en það væri ekki samt alveg eins leyndarmál sem er kanski gott því leyndarmálið í bókinni er risa snjókallar af Húna og mömmunni en það er nú kanski erfitt að gera það í hlákunni en Húni er ísbjörn.

En læt þetta nægja í bili, best að skella sér aftur í lestur.

Eigiði góða helgi kveðja Lulla

Viðburðarrík helgi að baki!

Já það er búið að vera nóg að gera um helgina, föstudagurinn fór í lærdóm og snúninga og á föstudagskvöldið vorum við mægður bara heima í rólegheitum enda ekkert gaman að vera útí í rokinu.

Laugardagur

Nutum þess að sofa aðeins lengur en í boði er virka daga,en drífum okkur nógu snemma á fætur til að ná því að fá okkur morgunmat áður en Kristín Björg þurfti að vera mætt í íþróttaskólan.  Eftir hann skelltum við okkur´í skaffó til að gá hvort að grísasultan væri komin til byggða en hún hafði eitthvað tafist á ferð sinni með vörubílnum á Þvérárfjallinu daginn áður líklega skroppið í picknik í blíðunni, síðan fórum við fram í sveit til að taka til í trogið og einnig var afmælisveisla hjá Tobías Frey en hann er orðinn 9 ára drengurinn til hamingju með afmælið!!!

Svo var brunað í krókinn til að hafa sig til fyrir blótið en það var í íþróttahúsinu þetta árið eins og í fyrra með öllum 4 fornu hreppunum þar að segja seylu,akra,lýtó og staðarhreppum þar sem að Central Park (Miðgarður ) er ennþá í lagfæringu en vonandi kemst hann nú í lag í sumar þannig að hægt verði að nota hann því að þó að íþróttahúsið sem svo sem ágætt þá er Miðgarður MIKLU MIKLU BETRI, það er bara eitthvað sem vantar,  td næst fjöldasöngrinn aldrei almennilega í íþróttahúsinu enda salurinn mjög stór og var eitthvað um 925 manns í húsinu.  Það eru bæði gallar og kostir við að hafa alla hreppi saman en fyrir þá sem ekki vita hefur minn hreppur seyluhreppur  haldið sér blót nema núna 2 síðustu ár sem allir 4 hafa verið saman út af Miðgarðsleysis. Kosturinn er að það er nátturlega fullt að fólki sem maður hittir sem maður hittir kanski ekki ef að allir hrepparnir eru ekki saman, gallinn er hins vegar sá að skemmtiatriðin verða ekki alveg eins lokal humor og maður kemst nátturlega aldrei yfir að hitta alla þá sem eru, suma hitti maður til að mynda oft en aðra rekst maður ekki einu sinni á.  En skemmtiatriðin voru ansar fín, maturinn góður (það sem ég borða af honum HAHAHA) verð nú að viðurkenna að súrmatinn rétt smakka ég en borða bara þeimum meira af nýrri sviða og grisa sultu, hangikjöti,lærisneiðum, brauði, harðfiski og hákarli til að mynda bíð ég alltaf spennt eftir að borða sérstaka þorrablótsréttinn minn en það er steikt brauð með hrásalatinu hennar Lillu frænku en það er besta hrásalat sem til er.  En ballið var fínt líka alltaf stuð á balli með sveiflukónginum, reyndar fattaði ég þegar var langt liðið á ballið að ég var búin að dansa ótrulega litið var búin að sitja og spjalla við fólk og vera á röltinu, öfugt miðað við í fyrra þá dansaði ég og dansaði en svona er nú djammgírinn manns misjafnt´í hvaða ham hann er var í svona skellibjölluhan í fyrra en meira svona rólegaheita fiðrildaham núna. Hvernig var þinn hamur??? En það var allavega gaman að hitta fullt að fólki sem maður hittir eiginlega aldrei nema á svona skemmtunum en aftur á móti var líka fólk sem ég saknaði að hafa ekki þarna sem er vant að vera..

Sunnudagur

Lá í leti fram að hádegi og horfi á teiknimyndir með Kristínu, svo fórum við í bíó á Alvin og íkornanna sem er alveg stórskemmtileg mynd, mæli með henni.

Eftir það fórum svo ég,Alla og Brynhildur á Akureyri fengum okkur súpu og salat á Bautanum og fórum svo á sýninguna Fló á Skinni hjá Leikfélagi AKureyrar sem er hreint út sagt tær snilld.  Þetta er 3 sýningin af 4 sem er á Leikhús kortinu sem við Alla keyptum en Varðan hjá Landsbankanum bauð upp á 4 sýninga kort hjá LA á aðeins 3950 fyrir námsmenn já það er oft gott að vera námsmaður.  En við erum búnar að sjá Ökutíma, Óvitanna og nú síðast Fló á skinni. 

LA skartar lika svi mikið að flottum leikurum að það er snilld Guðjón Karl og Jóhannes Haukur eru reyndar í miklu uppáhaldi hjá mér og hafa farið  á kostum í hverri sýningunni á fætur annari, þetta eru reyndar mjög ólikar sýningar þannig að þær eru góðar hver á sinn hátt.

Það var líka frábært að sjá  Árna Tryggvason á sviði aftur, hann stóð sig mjög vel en er samt orðin svo gamall og brothættur.  Ekki það að það stóðu sig allir leikarar með ágætum þarna.

Svo pældi maður nátturlega líka í allri heildinni en þar sem maður er nú með puttana í starfinu hjá LS verður maður alltaf að skoða leikmyndir og búninga vel og hlaða inn á harða diskinn hugmyndum fyrir okkar verk en það styttist einmitt í að sæluvikustykkið fari að bruna á stað. 

En læt þetta nægja að sinni