Svíarnir bara tapsárir!!

Jább eitthvað fer það fyrir brjóstið á svíagrílunni að hafa tapað fyrir íslendingum.  En að láta sér detta það í hug að kæra útaf einu marki þegar það skiptir engu máli komast hvort sem er ekki lönd né strönd.  Mikið að Svíar vilji ekki bara renna eurovison í gegn aftur þar sem þeir skít töpuðu þar líka en ætluðu að vinna. Fannst sú sænska þar reyndar hörmung minnti mig helst á grán kött sem hafði farið í strekkingu. Finnst samt bara snilld að hafa unnið þá í báðum þessum keppnum þó ég hafi alls ekkert á móti svíum svona almennt.  Kynntist fullt af ágætis svíum bæði þegar ég bjó úti og eins þegar ég hef farið í heimsókn í svíaríki.

Annars er bara allt gott að frétta, átti gott og langþráð helgarfrí sem ég notaði meðal annars til að slá garðinn minn og það tekur slatta tíma en garðurinn utan um litla húsið sem ég bý í er frekar stór.  En þetta gekk nú bara ágætlega hjá okkur mæðgum.  Það mætti samt gjarnan einnhver kíkja í heimsókn með orf til að taka kantinn og litla frumskógarsvæðið.  En orf er af einnhverjum ástæðum eitthvað tæki sem mér er meinilla við að nota veit samt ekkert af hverju.

Svo kíkti ég aðeins út á laugrdagskvöldið, byrjuðum hjá Óskari og Öllu og fórum svo í bæinn og það var  bara mjög fínt, mikið dansað en er á því að hljomsveitin hefði átt að byrja á því að taka pásu þar sem hún var miklu betri eftir pásu.  Svo er Klói minn á leiðinni á norðurlandið og við ætlum að gera eitthvað sniðugt.

Þar til næst  

 

 

Á allra vörum

er auðvitað frétt dagsins, ísbjarnar greyið sem að álpaðist óvart til byggða.  Hverki friður orðið nú til dags til að spóka sig í sólinni.  Skil nú ekkert í lögreglunni að eiga ekki hvítbjarnargildru í geymslunni hjá sér.  Hefði gjarnan viljað að björninn hefði nú fengið að lifa.  Hefði nú alveg verið hægt að gefa honum smá að borða meðan beðið var eftir deyfibyssunni enda dónalegt að bjóða ekki gestum sem koma í heimsókn í fjörðinn eitthvað æti en þá á ég auðvitað við að hægt hefði verið að skutla einnhverjum hræmat til hans en ekki eitthvað að forvitna fólkinu sem að var þarna.  Fyndið samt commentin um að ´það hefði átt að loka veginum því það á nú ekki að þurfa við svona aðstæður enda lét björninn þá sem voru á rúntinum alveg í friði, fór ekki að láta heyra í sér fyrr en liðið fór að fylgja honum eftir hefur örugglega haldið að þetta væri móttökunefndin.   

Fannst reyndar frekar fyndið líka að ég heyrði fyrst af þessu í útvarpinu frá manni sem sá hann fyrstur og byrjaði á því að hringja í útvarpið, held að löggan hefði verið fyrst á símalistanum mínum.  Það fannst hinsvegar einum vinnufélaga mínum undarlega og nefndi umhvefisráðuneytið verð að játa að mér hefði ekki dottið það einu sinni í hug held ég allavega.