Klóa Afmæli

 Sit hérna á afar rólegri næturvakt, allir dollarnir mínir súper stilltir og sofa bara á sínu græna.

Þannig að ég ákvað að best væri bara að skella sér í bloggið.

Já síðast var alveg að skella á afmæli hjá Klóa (Sóley)og því er nú lokið hehe og Klói minn er komin á fertugsaldurinn, en allavega var þar mikil gleði, ég mætti um 19 en við Siva urðum samferða fram í Melsgil þar sem afmælið var haldið, Þegar við komum var slatti að fólki komið og voru loðnurnar Ásdís og Guðrún mættar ásamt mökum og fékk Klói því afmælispakkan afhendan.  Síðan var borðað og drukkið því á boðstólnum voru þessir fínu pottréttir og rauðvín og hvítvín.  Síðan mætti skagfirski sveiflu kóngurinn sem er auðvitað enginn annar en Geirmundur og hélt uppi fjöldasöng, svo voru smá ræðuhöld sem Geirmundur stjórnaði, um klukkan 23 fór að færast ókyrrð í loðnurnar þar sem vitað var af jónsmessu balli í menningarstaðnum Hofsós og þar spilaði Geirmundur fyrir dansi. (já ég veit við loðnurnar eru smá grúpp píur) 23:30 lá ákvörðun fyrir að ég,Ásdís, Maggi, Guðrún og Ingólfur ætluðum á ball.  Við ákváðum svo að það væri ómögurlegt annað en að hafa afmælisbarnið með sem var mjög óviss hvort væri viðeigandi að skilja gestina eftir í reiðuleysi en eins og góðum vinum sæmir ákváðum við loðnurnar að taka bara þessa ákvörðun fyrir hana og fór ég í það að fá formlegt leyfi frá foreldrum og fleirum um að taka Sóley með, það tóks og bættist Elfa svo við í ballhópinn þar sem hún hafði ákveðið að verða þar sem Sóley yrði.

Við brunuðum svo á ball, og þetta var bara hið besta ball, ég hitti alveg heilling að fólki meðal annars sem ég hef bara ekki hitt langa lengi.  Ég hitti líka fullt að fólki sem ég er líka alltaf að hitta þannig að þetta varð bara hið fínasta blanda. 

Ég gerðist líka dyravörður smá stund sem var mjög  gaman þannig var nefnilega að Alla vinkona missti bjór á dansgólfið og það var klístur út um allt, þannig að ég fór að leita af dyraverði til að koma og skrúbba, fann fyrst einn upp á sviði sem gat ekki reddað þessu því hann var að passa sviðið en svo var annar sem var í dyrunum sem reddaði þessu og ég sagði að ég skyldi bara vera i dyrunum fyrir hann á meðan og það var hin mesta skemmtun kanski maður fari bara að sækja um starf!!!!! Það urðu til skrýtlur þarna í dyrunum td ertu nokkuð lambakjöt?? nánanari útskýring fæst hjá höfundi greinar.

Þegar balli lauk voru Guðrún og Ingólfur farin heim til sín þannig að það  fengu 2 piltar  að fljóta með í krókinn og aldrei þessu vant tók hún Ásdís eitt að sínu bestu gæruloðnu köstum sem felast í því að hún ákveður eitthvað sem að í þessu tilfelli var að þessir gaurar væru leiðinlegir sem þeir voru alls ekki og þegar hún fær sko þessi köst getur hún ruglað og bullað og gert allt öfug snúið og það stoppar hana ekkert en allavega held ég að allir hafi komist heilir út úr þessu, við gistum svo í Melsgili þvi að það nennti sko enginn okkar að tjalda þegar við komum tilbaka.