Heimsókn frá Íslandi!!!

Óskar, Alla og Þorgrímur Svavar skelltu sér hingað til okkar helgina 4-8 október, það var nátturlega bara frábært að fá þau og vonum bara að þau komi sem fyrst aftur.  Þau flugu sem sagt til Köben á miðvikudegi og komu yfir með rútu inn í Gautaborg og þangað náðum  við Kristín svo í þau en auðvitað þurfti snillingurinn ég að villtast inn í Gautaborg og voru þau sem sagt löngu mætt þegar ég loksins mætti ég, en ég sem stoppaði í Ikea og það er aðeins krókur útaf vegi 45 sem liggur annars beint í Gautaborg og tók sem sagt E6 frá Ikea til Gautaborg og lendi í umferðateppu og var því ansi tæp á tíma og svo alltof tæp eftir að ég villtist líka þar sem ég kom inn í Gautaborg á einnhverjum allt öðrum stað en ég er vön en ég hringdi bara heim og Elli bjargaði okkur með því að opna kort inn í tölvunni og lesa okkur inn á réttan stað en allt er gott sem endar vel og var voða gaman að hitta þau loksins og gaman að sjá viðbrögðin hjá púkunum, Kristín var orðin mikið spennt á leiðinni og svo þegar hún sá Þorgrím skrækti hún bara Þorgrímur Þorgrímur, svo þóttust þau vera pínu feimin en urðu svo bara sömu samlokurnar eins og vanalega.  Svo var bara spjallað þegar heim var komið.

Á fimmtudeginum vorum við bara í rólegheitum, kíktum smá útsýnisrúnt og kíktum í heimsókn á leikskólan Kristínar en það var eitt að því sem Kristín var alveg með á hreinu að fara með Þorgrím á leikskólan sinn.  Á föstudaginn förum við svo inn í Gautaborg og ætluðum að fara i tívoli en þá var það lokað argg ruglaði planið okkar alveg, en við röltum bara um í borginni í staðinn og fengum okkur að borða og fórum svo heim að spila og auðvitað var nokkrum góðum drykkjum gerð skil með.

Á laugardaginn tókum við Alla daginn snemma og fórum í mollið ég meina allar konur verða nú að versla öðru hverju en við vorum nú bara furðu stilltar hehe.  En svo tókum við bílaleigurútu sem sagt 9 manna bílaleigubíl og brunuðum aftur inn í Gautaborg og fórum í tivoli og það var alveg feikilegt stuð nú svo var brunað heim og fórum svo út að borða á einn af uppáhöldstöðunum okkar þar sem þetta var síðasta kvöldið.  Elli ætlaði svo að keyra þeim um morgunin en rútan fór frá Gautaborg klukkan 7 og því var ræs um fimmleytið en Kristín glaðvaknaði ætlaði sko að fara með að keyra Þorgrími sínum þannig að við fórum öll.   En helgin í allastaði skemmtileg og frábært að fá þau.